Jen la zip-dosiero de la Kroata-Esperanta klavaro kbdcres.zip. Ĝi entenas dosierujon kun la nomo kbdcres. En tiu dosierujo troviĝas msi-dosiero kiu instalos la klavarprogramon kbdcres.dll kiu troviĝas en aparta subdosierujo. La klavarilo "kbdcres.dll" servas en Vindozo 2000/XP/Vista kaj verŝajne ankaŭ 7. La senpaŝa (morta) klavo estas tiu maldekstre de la klavo por 1 (ĝi jam estas senpaŝa klavo por Ç kaj Ş). Do nun "¸" + c = ĉ, "¸" + g = ĝ, "¸" + u = ŭ. Tio validas ankaŭ por la majuskloj, do "¸" + C = Ĉ . Por eviti konflikton mi ŝovis Ç kaj Ş al la ŝift-nivelo. Do tiuj majuskloj bezonas la saman mortan klavon+ŝift+C resp S.