1    Conticuer(e) omnes ǁ intentiqu(e) ora tenebant.
        Inde toro ǁ pater Aeneas ǁ sic orsus ab alto:
        Infandum, ǁ regina, ǁ iubes ǁ renovare dolorem,
        Troianas ut opes ǁ et lamentabile regnum
  5    eruerint Danai; ǁ quaequ(e) ipse miserrima vidi
        et quorum ǁ pars magna fui. ǁ Quis talia fando
        Myrmidonum ǁ Dolopumv(e) ǁ aut duri miles Ulixi
        temperet a lacrimis? ǁ Et iam nox umida caelo
        praecipitat ǁ suadentque cadentia sidera somnos.
10    Sed si tantus amor ǁ casus cognoscere nostros
        et breviter Troiae ǁ suprem(um) audire laborem,
        quamqu(am) animus ǁ meminiss(e) horret ǁ luctuque refugit,
        incipiam. ǁ Fracti bello ǁ fatisque repulsi
        ductores Danaum, ǁ tot iam labentibus annis,
15    instar montis equum ǁ divina Palladis arte
        aedificant ǁ sectaqu(e) intexunt abiete* costas; 
        votum pro reditu ǁ simulant; ǁ ea fama vagatur.
        Huc delecta virum ǁ sortiti corpora furtim
        includunt ǁ caeco lateri ǁ penitusque cavernas
20    ingentis ǁ uterumqu(e) armato milite complent.

        Est in conspectu Tenedos, ǁ notissima fama
        insula, ǁ dives opum, ǁ Priami dum regna manebant,
        nunc tantum ǁ sinus et statio ǁ male fida carinis;
        huc se provecti ǁ desert(o) in litore condunt.
25    Nos abiisse rat(i) et ǁ vento petiisse Mycenas.
        Erg(o) omnis longo ǁ solvit se Teucria luctu:
        panduntur portae; ǁ iuvat ir(e) et Dorica castra
        desertosque videre locos ǁ litusque relictum.
        Hic Dolopum manus, ǁ hic saevus tendebat Achilles;
30    classibus hic locus; ǁ hic acie certare solebant.
        Pars stupet innuptae ǁ don(um) exitiale Minervae
        et molem ǁ mirantur equi; ǁ primusque Thymoetes
        duc(i) intra muros ǁ hortatur et arce locari,
        sive dolo ǁ seu iam Troiae ǁ sic fata ferebant.
35    At Capys et, ǁ quorum ǁ melior ǁ sententia menti,
        aut pelago ǁ Dana(um) insidias ǁ suspectaque dona
        praecipitare iubent ǁ subiectisqu(e) urere flammis,
        aut terebrare cavas ǁ uter(i) et temptare latebras.
        Scinditur incertum ǁ studi(a) in contraria volgus.

40    Primus ib(i) ant(e) omnis ǁ magna comitante caterva
        Laocoon ardens ǁ summa decurrit ab arce,
        et procul: ǁ "O miseri, ǁ quae tant(a) insania, cives?
        Creditis avectos hostis? ǁ Aut ulla putatis
        dona carere dolis Danaum? ǁ Sic notus Ulixes?
45    aut hoc inclusi ǁ lign(o) occultantur Achivi,
        aut haec in nostros ǁ fabricata (e)st machina muros
        inspectura domos ǁ venturaque desuper urbi,
        aut aliquis latet error; ǁ equo ne credite, Teucri!
        Quicquid id est, ǁ timeo Danaos et dona ferentes."
50    Sic fatus, ǁ validis ǁ ingentem viribus hastam
        in latus inque feri ǁ curvam compagibus alvum
        contorsit: ǁ stetit illa tremens ǁ uteroque recusso
        insonuere cavae ǁ gemitumque dedere cavernae.
        Et, si fata deum, ǁ si mens non laeva fuisset,
55    impulerat ferr(o) Argolicas ǁ foedare latebras
        Troiaque ǁ nunc stares ǁ Priamiqu(e) arx alta maneres.